Услови за користење

1 Кои сме

Такси 13870 е такси-диспечер во Струмица. Примаме порачки по телефон, на овој сајт и во апликацијата и ги праќаме до возачите.

2 Што е услугата

Ние ја примаме вашата порачка и наоѓаме возач што ќе ве вози. Самото возење го извршува возачот, со своето возило.

Се трудиме секогаш да имаме слободно возило, но не можеме да го гарантираме тоа во секој момент. Ако нема, ќе ви кажеме.

3 Сметка

За да порачувате онлајн, ви треба сметка. Со неа се согласувате:

• да внесете вистинско име и број на кој можеме да ве добиеме;
• дека еден број може да има само една сметка;
• дека додека бројот и е-поштата не се потврдени, диспечерот може да ве повика пред да испрати возило;
• лозинката да ја чувате за себе — за порачките од вашата сметка одговарате вие;
• дека сметката можеме да ја суспендираме ако се користи за лажни порачки, за вознемирување на возачите или диспечерите, или ако повеќепати не се појавите на порачано возење;
• дека сметката можете да ја затворите кога сакате — само јавете ни се.

4 Порачка

• Онлајн порачка од сметка чиј број и е-пошта не се потврдени чека додека диспечерот не ја потврди, обично со повик.
• Диспечерот може да откаже порачка ако не може да ве добие на бројот или ако нема слободно возило.
• Времето за пристигнување што ви го кажуваме е проценка — сообраќајот и временските услови можат да го променат.
• Онлајн порачката може привремено да биде исклучена, на пример кога нема слободни возила. Тогаш јавете се.
• Една сметка може истовремено да има најмногу 3 порачки што уште не завршиле.

5 Цени

Цената ја одредува ценовникот на канцеларијата: цени по зони во градот, договорени цени до подалечни дестинации и таксиметар по километрите на патот. Сите цени се во денари.

Цената што ви ја кажуваме при порачката важи за возењето онака како е порачано. Конечната цена може да се разликува ако возилото чека на адресата, ако ја смените дестинацијата или ако застанува по пат.

Секоја порачка останува запишана, со кажаната и наплатената цена. Ако не се согласувате со цената, јавете се во канцеларијата на 13-870.

6 Плаќање

• Плаќате на возачот на крајот на возењето — во готово или со картичка во возилото, ако тоа сте го избрале при порачката.
• Фирмите можат да возат на фактура само со договор со канцеларијата; фактурата се издава еднаш месечно, за завршените возења.
• Плаќање онлајн засега не е достапно.

7 Откажување и непојавување

Порачката ја откажувате со повик до диспечерот на 13-870. Во апликацијата засега нема копче за откажување.

Јавете се што е можно поскоро — возилото можеби веќе е на пат.

Ако возачот пристигнал на адресата, почекал и вие не сте дошле, порачката се запишува како непојавување.

8 Во возилото

• Врзете се со безбедносниот појас, како што бара законот.
• Однесувајте се со почит кон возачот и кон возилото.
• Штетата што намерно или од небрежност ќе ја направите на возилото ја надоместувате вие.
• Возачот може да одбие или да прекине возење ако е загрозена безбедноста — неговата, ваша или на другите.

9 Заборавени предмети

Ако заборавите нешто во возилото, јавете се на 13-870 и кажете кога сте се возеле. Ќе ви помогнеме да го најдете возачот, но не одговараме за предмети оставени во возилото.

10 Одговорност

Се трудиме возилото да стигне навреме и возењето да помине безбедно. Не одговараме за доцнење поради сообраќај, временски услови, затворени патишта или други околности што не зависат од нас.

Ништо во овие услови не ги ограничува вашите права како потрошувач според законите на Република Северна Македонија.

11 Измени на условите

Условите може да ги смениме; тогаш го менуваме и датумот на врвот на страницата. За секоја порачка важат условите од денот кога е направена.

12 Меродавно право

За овие услови важат законите на Република Северна Македонија.

Секој спор прво ќе се обидеме да го решиме договорно. Ако не успееме, надлежен е судот во Струмица.

13 Контакт

За прашања околу овие услови јавете се на 13-870 или обратете ни се на некој од начините на страницата за контакт.

Сите начини за контакт